Cada Mércores de Cinza, Marín despide o Entroido cun enterro de broma que se celebra desde o século XIX.
O Enterro da Sardiña é a festa que pecha o Entroido de Marín. Organízao o Ateneo Santa Cecilia cada Mércores de Cinza: unha comitiva fúnebre de broma percorre o centro, lese a ladaíña na praza do Reloxo e a «finada» acaba devolta ao mar. É Festa de Interese Turístico de Galicia desde 2023.
Sempre o Mércores de Cinza, o día no que remata o Entroido. En 2027 cae o mércores 10 de febreiro. O desfile adoita saír cara ás 20:00; o Ateneo publica o programa unhas semanas antes.
O Ateneo Santa Cecilia mantén viva a tradición: organiza o enterro, conserva a Ladaíña e os estandartes das confrarías, pintados polo pintor marinense Manuel Torres, e recuperou figuras como as «choronas». Máis sobre o Ateneo na nosa páxina de cultura en Marín.
Tes fotos do Enterro da Sardiña, recentes ou antigas? Envíanolas co teu nome e publicámolas nesta páxina. Enviar fotos →
O Mércores de Cinza. En 2027, o 10 de febreiro.
O Ateneo Santa Cecilia, coa colaboración de asociacións e do Concello.
No paseo marítimo, onde a sardiña se devolve ao mar no Asolagamento.
Hai referencias desde 1882. Prohibiuse en 1936 e recuperouse en 1976.
Fontes: Turismo de Galicia, Ateneo Santa Cecilia e prensa local. A hora e o percorrido poden cambiar cada ano.